બુક શેલ્ફ – The Valmiki Syndrome

લાગે છે કલિયુગ માં માત્ર એક જ ‘ધર્મ’ રહ્યો છે – કરિયર માં બધું જ હાંસિલ કરી લેવાનું !

ઓફીસ માં કામ કરતા માતા-પિતા – વર્કિંગ પેરેન્ટ્સ – પોતાના બાળકો ને લગભગ મળી જ નથી શકતા, પતી-પત્ની એક-બીજા સાથે બહુ જ ઓછો સમય વિતાવી શકે છે, જુવાનીયાઓ જાણે ઓળખતા જ ના હોય એમ સાથે રહેતા હોય છે. મિત્રો, જયારે કોઈ પોતાની સફળતા નો શ્રેય પોતાના પરિવાર ને અને કુટુંબીજનો ને આપે છે ત્યારે થોડું અજુગતું લાગે છે, કારણકે ઘણીવાર સફળતા ની એ સફર માં વ્યક્તિ ક્યારેક પોતાના એ જ પરિવાર ને પાછળ છોડી દેતો હોય છે.

તો પછી કેવી રીતે કરવું વર્ક-લાઈફ બેલેન્સ?

The Valmiki Syndrome By: Ashok Banker

આ સવાલ નો જવાબ અશોક બેન્કર (રામાયણ સીરીઝ વાળા) પોતાની હાલ માં જ બહાર પડેલી નોન-ફિક્શન, ‘ઘ વાલ્મીકી સિન્ડ્રોમ’, માં આપે છે. પૂરનો અને વાર્તાઓ માંથી સંદર્ભ લઇ ને એક નવા જ દ્રષ્ટિકોણ સાથે અશોકે આ વખતે વાર્તા કહેવાની કળા પર હાથ અજમાવ્યો છે. રોજ-બરોજ ના જીવન માં આવતી દ્વિધાઓ સામે ટક્કર લેવા માટે ડાકુ રત્નાકરણ, કે જે લોકો ને લુટી ને  પોતાનું અને પરિવારનું જીવન ચલાવતો હતો, જે પછીથી વાલ્મીકી ઋષિ બને છે નું ઉદાહરણ ટાંકતા અશોક આપણ ને સમજાવે છે કે, પર્સનલ અને પ્રોફેશનલ પ્રાયોરીટીઝ અલગ કેવી રીતે પાડવી.

એક મિનીટ – તમને જો લાગતું હોય તો હું પહેલા કહી દઉં કે, આ “પાવર ઓફ ” કે “સિક્રેટ ઓફ ” કે “સફળ થવાની ૨૧ રીતો” પ્રકાર ની બુક છે જ નહિ. અને આ વાત લેખક પોતે જ પ્રસ્તાવના માં કબુલ કરે છે. આ કોઈ સેલ્ફ-હેલ્પ પ્રકાર ની ઉપદેશક બુક નથી. આ એક વાર્તાઓ અને તેમાંથી મળતા બોધ નો સંગ્રહ છે.

લેખક લખે છે (અને વાંચી ને મને આનંદ થયો હતો) કે, જેમ કામસૂત્ર એ કઈ નવ-શીખાઉ માટે નો ક્રેશ કોર્સ  નથી, જેવી રીતે ગીતા એ કોઈ મેનેજમેન્ટ કિતાબ નથી અને મહાભારત એ યુદ્ધ માટે નું જ્ઞાન આપતો ગ્રંથ નથી, તેવી જ રીતે, ‘ધ વાલ્મીકી સિન્ડ્રોમ’ પણ મૂળભૂત રીતે કઈ  ઉપદેશક નથી.

સુહાસિની, સારા, રત્નાકરણ અને રણજીત ની વાતો એ આપણી વાતો છે. આ બધી વાતો પાંચ ભાગ માં છે.

૧. પરફેક્ટ લાઈફ  [સંપૂર્ણ જીવન]
૨. વ્હુ એમ આઈ? [હું કોણ છું]
૩. વ્હુમ ડુ આઈ વિશ ટુ બી? [મારે કોના જેવું થવું છે?]
૪. હાવ ડુ આઈ બીકમ ધેટ પર્સન? [હું 'તે' વ્યક્તિ જેવો કેવી રીતે થઈ શકું?]
૫. ધ વાલ્મીકી સિન્ડ્રોમ

એકંદરે, આજ-કાલ નીકળી પડેલા સેલ્ફ-હેલ્પ બુક્સ ના રાફડા માં આ બુક જરૂર વાંચવા જેવી લાગે.

‘ધ વાલ્મીકી સિન્ડ્રોમ’ અહીથી મળી શકશે.

સોચા નહિ તો સોચો અભી

જરૂરિયાત એ સંશોધન ની જનની છે. તો પછી હું કહું છું કે, પ્રશ્નો એ પરિવર્તન નો પિતા છે. પ્રશ્નો પૂછતા લોકો એ મને જાગ્રત સમાજ ની સમજ ના ઘડવૈયાઓ લાગ્યા છે.  પ્રશ્નો પૂછવાનું કામ એ ખેડતા ખેતર જેવું છે જે સતત રીતે અને સખત પણે થવું જોઈએ. બીજી અનેક રીતે આગળ મનાતો આપણો સમાજ જયારે ‘રીસર્ચ’ ની વાત આવે ત્યારે બે કારણોસર પછાત પુરવાર થાય છે. એક, ધીરજ નો અભાવ અને બીજું, પ્રશ્નો પૂછવાની ટેવ ની સદંતર ગેર-હાજરી.

આજની આપણી વાત માટે આટલી અપ્રસ્તુત છતાં જરૂરી એવી પૂર્વભૂમિકા બાંધવાનું મન એટલે થયું કે – આજે તમારી જેમ મને પણ ઘણા પ્રશ્નો થયા છે. થયા કરે છે.  સારું છે થવા જોઈએ.

ક્યારેક વિચાર આવે છે કે  -

(૧) શાળા ની પરીમીતી શું? અને અભ્યાસ ની વ્યાખ્યા શું?
(૨) અંગ્રેજો એ બહાર થી આવી ને આપણા પર ‘રાજ’ કર્યું હતું? એમની પહેલા હતા એ કોણ હતા? અંદરના કે બહારના? અત્યારે કોનું રાજ છે?
(૩) સરકાર રાજ ચલાવે કે રાષ્ટ્ર? રૂલીંગ પાર્ટી એવો શબ્દ કેમ? કોનું રુલ કોના પરનું?
(૪) આંતર-જ્ઞાતિય / આંતર-જાતીય લગ્નો એ ‘પ્રેસ્ટીજ ઇસ્યુ’  કેમ? અને એના કારણે ઓનર કિલિંગ શા માટે? (રેફરન્સ યુ.પી. ના કમીશ્નર માથુર ની રીમાર્ક, ‘આક્રોશ’ ફિલ્મ)
(૫) ક્રિકેટ અને બોલીવુડ ની બહાર ના આપણા કોઈ રોલ મોડેલ્સ છે? (જેનો ફોટો આપણા ફેસબુક પ્રોફાઈલ માં ડી.પી. તરીકે હોય)
(૬) લાઈબ્રેરી એટલે કેમ  ‘કરોળિયા અને ગરોળી કોલોની’ માત્ર?
(૭) આપણી શાળા ઓ ક્યારેય સ્પોર્ટ્સ શીખવશે ખરી?
(૮) વેસ્ટ નું અનુકરણ આપણ ને ગમે છે એ ક્યારે કબુલ કરીશું?
(૯) વેસ્ટ સાથે અપ્રસ્તુત  સરખામણી છોડીશું?
(૧૦) અન્ય દેશ માં જઈ ને ઇન્ડિયા ને ગાળો આપવાનું ક્યારે બંધ કરીશું?
(૧૧) રાષ્ટ્ર નો સાચો  ઈતિહાસ ક્યારે જાણીશું?
(૧૨) એક જ ઘટના ને ઈર્ષા ને બદલે ઇન્સ્પીરેશન થી ક્યારે જોઈશું?
(૧૩) વિશ્વ ના ભૂગોળ ની આપણને ખબર છે ખરી?
(૧૪) ટ્રાફિક જામ માં આપણે કેમ ‘હોર્ન’ વગાડીએ છીએ? એનાથી વાહનો આગળ ચાલે છે ખરા?
(૧૫) લોકો ને પોતાના જેવો જ લીડર મળતો  હોય છે આ વાત ની આપણ ને ખબર છે?
(૧૬) શાળા ના પાઠ્યપુસ્તક માં સેક્સ-એજ્યુકેશન ને સ્થાન છે ખરું કે પછી વેવલી વાતો, અર્થવગરનું અંકગણિત અને ગુલામી નો ‘ગૌરવવંતો’ ઈતિહાસ જ ભણાવો  છે?
(૧૭) આવનારી પેઢી માટે આપણે શું અલગ નિર્માણ કર્યું?
(૧૮) ખંત, ધીરજ અને જીજ્ઞાસા આપણે ક્યારેય વિકસાવી શકીએ?
(૧૯) શા માટે થયો પાનસિંહ તોમર જેવા ને અન્યાય? (બાય ધ વે, યાદ તો છે ને પાનસિંહ તોમર?)
(૨૦) શું ટૂંકી યાદશક્તિ એ આપણા માટે આશીર્વાદ સમાન છે?
.
.
.

ઘણા બીજા પ્રશ્નો છે. તમને પણ હશે, નહિ? પ્રશ્નો ની આગ દીવાસળી જેવી હોય છે, ક્ષણિક પણ સખત.
આ બધા પ્રશ્નો ના જવાબ શબ્દો થી નહિ પણ જનરલી એક્શન અને ઉદાહરણ થી દેવાના હોય છે.
જેમને પ્રશ્ન ના થતા હોય એમનો કાર્ડીઓગ્રામ સીધી લીટી જેવો (એટલે કે નિષ્પ્રાણ) આવતો હોવો જોઈએ!  આસમાન હૈ નીલા કયું પાની ગીલા ગીલા કયું ગોલ કયું હૈ ઝમીન? સોચા હૈ? સોચા નહિ તો સોચો અભી.

અને છેલ્લે

મિત્રો પ્રશ્ન પૂછવો એમાં કશું કળા જેવું હોય ખરું? અહિયાં બે વિડીયો શેર કરું છું – આર્ટ ઓફ ક્વેશ્ચનીંગ પર છે.

The Art of Questioning

J Krishnamurthy on The Art of Questioning

Coming-Soon : હવે પછી ના દિવસો માં

હમણાં-હમણાં ઘણા વિચારો આવ્યા છે. સારું એવું વાંચવા પણ મળ્યું છે. ઘણી વાતો અજાણી હતી. અને મને લાગે છે કે આવનારા દિવસો માં એમના વિષે મને લખવાનું અને તમને વાંચવાનું ગમશે.
થોડા અપકમિંગ બ્લોગ્સ વિષે કંઈક આવો વિચાર છે.

(૧) કિશોરદા વિષે ઓછી જાણીતી વાતો
(૨) સેક્યુલરીઝમ – બકરું કાઢતા ઉટીયું પેઠું
(૩) સોશ્યલ નેટવર્ક ની શરૂઆત
(૪) ૪ નવી વાંચેલી બુક્સ વિષે બૂક શેલ્ફ વિભાગ માં શેરીંગ
(૫) એક ટ્રાવેલોગ

.. અને બીજા થોડા રેન્ડમ થોટ્સ.

‘બેડ-લક’ એટલે શું?

થીએટર માં ચાલતા કોઈ પિક્ચર ની શનિવાર ના શો ની બધી ટીકીટો ઓન-લાઈન વેચાઈ જાય એ ક્યારેક બેડ-લક લાગે છે, નહિ? ઉનાળા માં ક્યારેક લાઈટ જાય તો નસીબ (અને ઈલેકટ્રીસીટી બોર્ડ) ને કોસવાનું ચાલુ. ફરવા જતી વખતે કારમાં (અને એટલે પ્લાન માં) પંચર પડે એ પણ બદનસીબી જ છે ને વળી. માર્ક્સના  – અને ક્યારેક એજ્યુકેશન પોલીસીના – કારણે ઇચ્છિત બ્રાંચ માં એડમીશન ન મળવાને ઘણા જીવનભર નું બદનસીબ માની બેસે છે.

યાદી લાંબી છે, લંબાવી શકાય એમ છે. પણ તેનો કોઈ અર્થ નથી. બે કારણોસર – એક તો, લક કહો કે ગુડ-લક એ વ્યક્તિગત ક્ષમતા કરતા ઇચ્છા અને ખાસ કરી ને ઇચ્છા ની પુરતી સાથે સંકળાયેલ ભાવવાચક શબ્દ છે અને માણસ ની તો ઇચ્છા છેલા શ્વાસે પણ હજી વધુ એક શ્વાસ જીવી લેવાની હોય છે. બીજું, ગુડ લક કે બેડ લક એ રીલેટીવ મેઝર છે, એબ્સોલ્યુટ  નહિ. ઘણીવાર એક વ્યક્તિ નું ગુડ લક એ બીજા નું બેડલક બની જતું હોય છે.

એની વે, આ લક એટલે શું? ઘણી વ્યાખ્યાઓ છે. શું બેડ-લક જેવું કઈ હોય છે ખરું? અગણિત વાર પુછાયું છે. જો કે તેના સંતોષકારક જવાબ ની આશા તો પૂછનાર ને પણ નથી હોતી !

ઈન્ટરનેટ પર વાંચેલી એક વાત યાદ આવે છે. જેમ એનર્જી કન્ઝર્વેશન નો નિયમ છે કે વિશ્વા માં ઉર્જા નો કુલ જથ્થો અચળ છે. તેવી જ રીતે કદાચ  વ્યક્તિ ના જીવન માં પણ ગુડ (કે બેડ) લક નો જથ્થો અચળ હોય છે તેનું નાના-નાના કિસ્સા ઓ માં વિભાજન શક્ય છે પણ સર્જન કે વિસર્જન શક્ય નથી.

અંગત રીતે કહું તો મારી બેડ-લક ની વ્યાખ્યા આ છે – બેડ-લક એટલે પ્રયત્નો કરવાથી નીકળી શકતું ગુડ-લક ની ચોકલેટ પર નું રેપર. ચોકલેટ ની આડે આવતું રેપર જરૂર છે એની ના નહિ, પણ કેવું? પ્રયત્નો કરવાથી નીકળી શકતું .

ક્યારેક પ્રો- કસ્ટીનેશન તો ક્યારેક  બેડ-લક ની ચાદર હેઠળ કશું જ કર્યા વિના લાંબા થઈ ને પડ્યા રહેવાનો માર્ગ  ઢાળવાળો વત્તા લપસણો છે. સહુ થી વધુ ખતરનાક એ છે કે  આપણને એ રસ્તે દોડવાનું ફાવી ગયું છે, નહિ? આ પ્રશ્ન આપણે પોતાને જ પૂછવાનો છે અને જવાબ તો અંદર થી જાતે જ મળી જશે !
વધુ લખવાનું મન નથી થતું. એક બહુ જાણીતી વાત (કે વાર્તા – લેવો જ હોય તો બોધ બંને માંથી સરખો જ મળે છે.) શેર કરી લઉં.

મુલ્લા નસીરુદ્દીન ના ઘરે એક ઘોડો હતો. અચાનક એક દિવસ એ ઘોડો તબેલા માંથી ભાગી ગયો.
એમના પાડોશી ઉદાસ ચહેરે ખબર લેવા આવ્યા અને કહે ‘મુલ્લા, બહુ ખરાબ થયું નહિ? તમારો એક નો એક ઘોડો ભાગી ગયો. હું સમજી શકું છું તમે દુ:ખી હશો’. પોતાની ટ્રેડમાર્ક કુલ-નેસ્સ થી મુલ્લા એ કહ્યું ‘જોઈએ. (વી શેલ સી)’.

થોડા દિવસે એક ગજબ ઘટના બની. મુલ્લા નો ખોવાયેલો એ ઘોડો તો પાછો આવી ગયો. એ તો આવ્યો પણ એની સાથે બીજા ૨૦ ઘોડા ને સાથે લેતો આવ્યો.
પેલા પાડોશીના તો હરખ નો પર ના રહ્યો. ખુશી વ્યક્ત કરવા એ મુલ્લા ને ઘરે ગયા અને કહે ‘બહુ જ સરસ થયું. મને તો જાણી ને આનંદ થયો કે હવે તમારી પાસે એક નહિ એકવીસ ઘોડા છે. હું સમજી શકું છું તમે કેટલા ખુશ હશો’. પોતાની ટ્રેડમાર્ક કુલ-નેસ્સ થી મુલ્લા એ એજ વાત કહી ‘જોઈએ. (વી શેલ સી)’.

વળી પાછુ શું થયું ને એક દિવસ મુલ્લા ના એકવીસ ઘોડા ઓ માના એક ઘોડા એ મુલ્લા ના દીકરા ને લાત મારી. અને બન્યું એવું કે મુલ્લા ના દીકરા ને ગંભીર ઈજા થઈ અને એ પથારીવશ થઈ ગયો.
એક સારા પાડોશી ની જેમ પેલા સજ્જન મુલ્લા ને મળ્યા અને  પૂછ્યું કે ‘કેમ છે હવે તમારા દીકરા ને? બહુ લાગ્યું હશે નહિ? કેટલા મહિના આરામ લેવો પડશે વગરે વગેરે…છેલ્લે કહે, મુલ્લા, બહુ ખરાબ થયું નહિ?’. મુલ્લા નો એજ ઉત્તર ‘જોઈએ.’

એવામાં દેશના રાજાએ પાડોશી મુલક સામે યુદ્ધ જાહેર કરી દીધું. સૈન્ય  માટે વધારા ના સૈનિકો ની ભરતી થવા લાગી. સ્ત્રીઓ અને બાળકો ને છોડી ને દરેક ઘર ના જવાન સશક્ત પુરુષો ને  ફરજીયાત સૈન્ય માં જોડાવાનું હતું. યુદ્ધ માં જાન-માલ ની પુષ્કળ ખુવારી થઈ. ઘણા જવાનો મરી ગયા. મુલ્લ્લા નસીર નો દીકરો પથારીવશ હતો, એની સૈન્ય માં ભરતી જ થઈ શકી ન હતી. યુદ્ધવિરામ પછી પાડોશી એક વાર શાંતિ થી મુલ્લા ને મળ્યા, દીકરો સાજો સારો થઈ ગયો એટલે ખુશી વ્યક્ત કરી ને કહ્યું કે સારું થયું એને ઈજા થઈ હતી, સશક્ત હોત તો સૈન્ય માં હોત અને બીજા હજારો યુવાનો ની જેમ એ પણ…’. મુલ્લા એ શું કહ્યું હશે? [સહી જવાબ. વી શેલ સી]

બેડ લક ની વ્યાખ્યા ફરી એક વાર – બેડ-લક એટલે પ્રયત્નો કરવાથી નીકળી શકતું ગુડ-લક ની ચોકલેટ પર નું રેપર. અને વિશ્વ ની કોઈ પણ ચોકલેટ, નાની કે મોટી,  ખાતા પહેલા એના પર રહેલું ટેમ્પરરી, નાનું કે મોટું, રેપર તો કાઢવું જ રહ્યું ને !

અભિમાનના આઠ પ્રકાર

કશે વાંચેલી એક સરસ વાત અહિયાં મુકું છું

અભિમાનના આઠ પ્રકાર છેઃ

૧ સત્તાનું અભિમાન
૨ સંપત્તિનું અભિમાન
૩ બળનું અભિમાન
૪ રુપનું અભિમાન
૫કૂળનું અભિમાન
૬ વિદ્વતાનું અભિમાન
૭ કર્તવ્યનું અભિમાન

પણ “મને અભિમાન નથી” એવો દાવો કરવો એના જેવું ભયંકર અભિમાન બીજું એકે ય નથી.

બુક શેલ્ફ – The One Thing You Need to Know

The One Thing You Need to Know

The One Thing You Need to Know

Written by Marcus Buckingham

માહિતી:

પ્રકાર : મેનેજમેન્ટ / લીડરશીપ

પ્રકાશક: Pocket Books

પાના: ૨૮૯

કીમત: રૂ. ૪૫૦

‘ફર્સ્ટ, બ્રેક ઓલ ધ રૂલ્સ’ અને ‘નાઉ, ડિસ્કવર યોર સ્ટ્રેન્થસ’ ના કો- ઓથર રહેલા માર્ક્સ બકિંગહમ / Marcus Buckingham ની મેનેજમેન્ટ અને લીડરશીપ પર ની આ ઘણી જ સરસ બુક છે. The One Thing You Need to Know માં લેખક સફળ થવા ની કળા ને નાટ્યાત્મક રીતે સમજાવે છે. લેખક પોતે અનેક બીઝનેસ હાઉસીસ ના કન્સલટન્ટ અને પ્રખર વક્તા છે.

આ બુક માં સાત ચેપ્ટર્સ છે.  બે ભાગ માં મળી ને આ કુલ સાત ચેપ્ટર્સ માં મેનેજમેન્ટ ના અલગ અલગ વિષયો પર નું વિગતે લખાણ છે.

લેખક ની વાત કહેવાની સ્ટાઈલ અને વચ્ચે વચ્ચે આવતી ‘વાર્તાઓ’ વિષય ને સરળતા થી સમજાવે છે.

ત્રણ મુખ્ય વાતો, મેનેજીંગ, લીડીંગ અને ઈન્ડીવિજ્યુઅલ સક્સેસ ને કંઈક આવી રીતે સમજવામાં આવી છે.

Managing: “Discover what is unique about each person and capitalize on it.”

Leading: “Discover what is universal and capitalize on it.”

Sustained individual success: “Discover what you don’t like doing and stop doing it.”

અપેક્ષા પ્રમાણે જ આ ત્રણ વાત માં ક્યારેક બકિંગહમ ની પહેલાની બુક – ‘નાઉ, ડિસ્કવર યોર સ્ટ્રેન્થસ’ – ના રેફરન્સીસ આવતા રહે છે. આ બુક ની સહુ થી સરસ હોય એવી વાત છે તેમાં આવતી ઘણી બધી  “મેં-આ-પહેલા-કેમ-ન-વિચાર્યું” મોમેન્ટસ.

વિદ્યાર્થીઓ (વિદ્યા –> અર્થી), માર્કેટિંગ કે મેનેજમેન્ટ ના ક્ષેત્ર સાથે સંકળાયેલા પ્રોફેશનલ્સ, મિડલ લેવલ હાયર લેવેલ મેનેજર્સ અને વાંચનના વ્યસનીઓ માટે ‘મસ્ટ રીડ’ કહી શકાય તેવું મસ્ત પુસ્તક.

આ પુસ્તક અહી થી અને અહી થી મેળવી શકશો.

વાઈરલ વિડીયો – (ઈન્ટરનેટના) જંગલ માં (પ્રસિદ્ધિનું) મંગલ

વ્હાઈ ધીસ કોલાવેરી (૩ વાર) ડી? કે પછી રેબેકા બ્લેક નું ‘ફ્રાઇડે’, પાર્ટી ફંક્શન માં કોઈ સ્ટાર દ્વારા કોઈ ને ગાલ પર પડે કે વોર્ડરોબ માલ-ફંક્શન માં કશું સરી પડે ! ઈન્ટરનેટ પર (થેન્ક્સ ટુ સોશિયલ નેટવર્કિંગ સાઈટ્સ) આવી બધી ઘટનાઓ ના ફટાફટ ‘પ્રસિદ્ધિ’ અને પ્રેઝન્સ મેળવી લેતા વિડીયો ને શુકાહી શકાય?- વાઇરલ વિડિયોઝ.

યુ-ટ્યુબ કંપની ના વિડીયો ટ્રેન્ડ મેનેજર  કેવિન એલાકા (Kevin Allocca) આવી રીતે વાઇરલ થતા વિડિયોઝ વિષે સરસ વાત કરે છે.

સમય કાઢવો પણ ના પડે એટલી મુદાસર એવી સાત મિનીટ ની એમની સ્પીચ અહિયાં શેર કરું છું.
ઈન્ટરનેટ ની દુનિયા સાથે જેમનો પનારો પડ્યો છે અને એમાં પણ જેઓ બ્રાંડ મેનેજમેન્ટ કે ઓનલાઈન માર્કેટિંગ સાથે સંકળાયેલા છે એમને ઘણું જાણવા મળશે.

એક રીયલ લાઈફ ‘સિંઘમ’

પોલીસ ની વર્તણુક અને ‘વ્યવહાર’ લગભગ દરેક વખતે પ્રેડીક્ટેબલ હોય છે. વિન-વિન સિચ્યુએશન (ખરેખર તો, તેરી ભી ચુપ મેરી ભી ચુપ) ના પાઠ કોઈ પણ મેનેજમેન્ટ સ્કુલ કરતા રસ્તા પર ના ટ્રાફિક હવાલદાર પાસે થી ‘ક્રેશ’ કોર્ષ ની ઝડપે શીખવા મળે !

[આ ગુજરાતી માં લખાયેલ છે એટલે માત્ર ગુજરાત પોલીસ ની વાત નથી ચાલતી એ માત્ર જાણ સારું. આમાં તો 'કાગડા બધે...' નો ન્યાય લાગુ પડે છે.]

મૂળ વાત પર આવું તો. વર્ષો થી વિટનેસ કરેલા બીબાઢાળ ‘વ્યવહાર’ ના કિસ્સાઓ માં એક અજુગતું દ્રશ્ય જોવા મળ્યું

એક રીયલ લાઈફ 'સિંઘમ'

ફોટા માં દેખાય છે એમ – એક ટ્રાફિક પોલીસ ટ્રક ની આગળ પોતાનું મોટર-સાઇકલ પાર્ક કરી ને ઉભો છે અને ટ્રક ડ્રાઈવર ને નીચે આવવા ‘ભાવભીનું આમત્રણ’ પાઠવી રહેલ છે.

પછીથી મળેલી માહિતી પ્રમાણે, પુરપાટ ઝડપે આવતા અને પબ્લિક ટ્રાન્સપોર્ટ ની બસ ને સતત કનડતા એક ટ્રક ને એક થી વધુ વર રોક્યા છતા એ ડ્રાઈવર ના માનતા, આ ‘ટેરેફિક’ પોલીસે રીલ લાઈફ ના પેલા સિંઘમ ની બહાદુરી થી ટ્રક ને ઓવરટેક કરી ને પોતાની મોટર-સાઈકલ આગળ ઉભી રાખી દીધી.

એક પોલીસ ધારે તો શું ના કરી શકે? સામાન્ય માનવી ની સમસ્યાઓ  ને પોતાની બહાદુરી અને ઓનેસ્ટી થી બિલકુલ દુર કરી શકે. આ પોલીસ કયા શહેર /  રાજ્ય ના છે એ વાત બહુ મહત્વની નથી. એ ગમે ત્યાં હોઈ શકે છે. અગત્ય ની વાત છે આવા કિસ્સાઓ ને ‘રેર’ માંથી ‘રેગ્યુલર’ થતા જોવાની.

આપણી ‘રોડ’ ની મુસાફરી માંથી રોડા દુર કરતા આવા કર્તવ્યપરાયણ, પ્રમાણિક અને બહાદુર પોલીસ ઓફિસરો ને એક સલામ.

પુર પહેલા પાળ

લવર્સ નોટ એલાઉડ. (પછી એ પરિણીત હોય તો પણ?)

ગાર્ડન સીટી બેંગલોર માં એક ગાર્ડન ની બહાર મારેલી આ ‘ચોખવટ કમ ચેતવણી જ્યાદા’ જેવી સુચના જોવા મળી.

કેવા વિચારો આવતા હશે આ સુચના અંગે?

બોર્ડ મુકનાર ઓથોરીટી ને : વાંચી લેજો, સમજી લેજો, ધ્યાન રાખજો હો. ખબરદાર.
વાંચનાર ને  : વાંચનાર ના બે પ્રકાર હશે. સાક્ષી અને કર્તા (અને ક્યારેક કાર્ય-કર્તા). સાક્ષી વિચારશે, બરાબર છે. આમ જ હોવું જોઈએ. આપણી સંસ્કૃતિ નું જતન તો જ થશે ને. જયારે કર્તા જૂથ આને ‘શરીર નો કોઈ પણ ભાગ બસ ની બહાર બહાર કાઢવો નહિ’ પ્રકાર ની નોટીસ માની ને અવગણના કરશે. (કાર્ય-કર્તા માનશે કે આપણી પડોશ વળી સંસ્કૃતિ તો ક્યારની સામેવાળા જતન સાથે સુરક્ષિત થઇ ગયી છે.)

લવર્સ નોટ એલાઉડ. પછી એ પરિણીત હોય તો પણ? લગ્ન એ પ્રેમ ની આવશ્યક શરત છે, પર્યાપ્ત શરત છે કે પછી પૂર્વશરત છે?

શું લાગે છે મિત્રો તમને?

આ થીગડું વળી શું છે?

આ થીગડું વળી શું છે?.